أبو حفيظة في موقف إنساني نبيل ، هذا ما فعله !

فن وترفية / دراما / أبو حفيظة في موقف إنساني نبيل ، هذا ما فعله !

أخبار عاجلة

.
shadow
shadow

أبو حفيظة في موقف إنساني نبيل ، هذا ما فعله !

كتبت : بسمة سعد

حرص الفنان المصري أكرم حسني الشهير ب "أبو حفيظة" ، على تحقيق رغبة طفلة مريضة بعرض "داون" تدعى "زينة" في رؤيته ،حيث نشر على صفحته بموقع " انستغرام " فيديوهين ، ومجموعة من الصور للطفلة زينة أثناء زيارتها لأماكن تصوير مسلسله برفقة والدها ووالدتها ، وعلق أكرم علي الصور " زينة وباباها ومامتها ".

كما كتب على الفيديو : " امبارح و انا بصور لاقيت ناس كتير من قرايبي و اصحابي باعتينلي بوست بيطلب من الناس اللي يعرفوني يبلغوني ان في بنت بتحبني و نفسها تشوفني و لاني عارف اننا مشغولين في التصوير لحد نهاية رمضان و مش هافضي قبل كده ف تواصلت مع بابا و طلبت منهم يجولي التصوير النهاردة .. لحد هنا و الموضوع عادي .. لكن اللي مش عادي بقي لما زينة جت النهاردة و قابلتها .. و الله العظيم انا ما شفتش في حياتي بنت بالجمال ده و لا خفة الدم دي و لا اللماضة دي و لا الحنية دي و لا القدرة علي التعبير عن احساسها بالجمال ده لدرجة اني حسيت اني انا اللي كنت محتاج اشوفها مش هي .. احساس عظيم انك تأثر في حد و انك تحس ان ربنا جعلك اداة تسعد الناس و انت كمان تبقي سعيد لما حد منهم يظهرلك حبه ربنا يحميكي يا زينة يا حبيبتي و يبارك لك في اهلك المحترمين الطيبين الجدعان اللي اتشرفت اني قابلتهم و اتعرفت عليهم .. انا في منتهي السعادة " .

وقد انهالت التعليقات عليه من جمهوره الذين عبروا عن إعجابهم الشديد بانسانيته وأخلاقه ، ووصفوه بالفنان المحترم ، وتمنوا له التوفيق في مسلسله .

جدير بالذكر أن مسلسل "الوصية" من بطولة أكرم حسنى وأحمد أمين، وريم مصطفى ، ومن إخراج خالد الحلفاوى ، ومن المقرر ان يخوض به السباق الرمضاني المقبل 2018 .

 

shadow
shadow
shadow

الناشر

بسمة سعد
بسمة سعد

صحفية

بسمة سعد صحفية لدي شبكة فوكس ايجيبت نيوز

إعلان تجارى

الأزمة التركية داخل اوروبا - الأزمة التركية داخل اوروبا
shadow

أترك تعليق